Opiniaun

Forum Diskusaun Livre

Forum Diskusaun Livre

Belun sira, communidade virtual (VIRTU-C) nebe hanesan grupu istuda no pesquisa
ba ICT nebe hamahun husi IMPETIL – BANDUNG aprezenta forum diskusaun
ba Timoroan hotu atu rejista-an nomos hato’o no fahe ita boot nia ideas
sira iha forum ne’e. Forum ne’e mos hanesan:
1. Forum ILMIAH nebe diskuti kona-ba materias iskola universitariu
2. Forum ba husu perguntas i resposta sobre area de istuda iha universitariu ba estudantes sira nebe foin
akaba ensino sekundaria no sei konfusaun kona ba area de istudu nebe mak atu foti.
3. Fahe LINK Website nian hanesan referensia istudu no pesquisa.
4. Fatin atu fahe informasaun sobre notisias nebe mak akontese iha rai laran nomos rai liur.
5. Fatin atu debates nomos diskute sobre issues nebe mak akontese iha rai laran nomos rai liur.

Forum nee hanesan media ida atu fahe ideas nomos share experiencias sobre topiku hirak nebe relevante nomos
ho objektivu atu fo matenek nomos informasaun ba ema seluk atu kompleta nia istudu ou atu hetan
kompriende ba buat hirak nebe nia seidauk kompriende. Liafuan nomos link ba buat nebe la hatudu
Timoroan nia kustume sei LABELE hakerek iha nee, author sira nebe mak tau LINK nomos uja liafuan nebe
la reprezenta Timoroan nia kustume ami sei hamo’os tiha husi forum nee.

Atu halo rejistu bele klik deit iha nee: FORUM-LIVRE

Obrigado
“Hamutuk Ita Bele”
😉

VIRTU-C

Fonte: http://www.virtuc.blogspot.com

##########################################################################################

SAIDA MAK UKUN RASIK AN IHA TINAN 2009

Nasaun Soberano Timor-Leste

Iha tinan-ba tinan Iha loron 20 de Maio Timor Leste sempre hanoin hikas hodi hala’ao selebrasaun ba loron restorasaun independensia, povu Timor Leste halo refleksaun bo’ot kona-ba Independensia ne’ebe TL hetan iha loron 20 de Maio 2002 ne’ebe mundo tomak fo apoi maka’as no legitima TL sai nasaun foun iha mundu.

Independensia, (ukun rasik an) signifika katak livre, laiha dependensia ba ema seluk, grupu ou nasaun seluk. Iha kontekstu politika, ukun rasik an hatudu katak nasaun ida livre husi okupasaun kolonialista, nasaun ida ne’ebe hetan poder legitimadu atu kaer ukun nasaun nian ho livre no laiha influensia husi ema ou nasaun seluk.

tuir opinaun geral husi ema matenek nain katak nasaun ida ne’ebe hetan ukun rasik an (independensia) wainhira sira livre husi okupasaun kolonialista, livre husi intimidasaun, livre husi poder balun ne’ebe hanehan ema seluk nia direitu, livre husi influensia kultura rai seluk, nune’e mos iha konseptu modernizasaun katak ukun rasik an mos relasiona ba livre husi kiak, livre husi beik, livre husi problemas sosial no ekonomia hanesan desempregu, no buat seluk tan.

Iha 20 de Maio 2009 ida ne’e ita presija halo refleksaun bo’ot ba ita  ida-idak nia an, liu-liu ba ukun nain sira katak saida mak UKUN RASIK AN…. Liu-liu ukun rasik ne’ebe povu Timor Leste hetan iha 20 de Maio 2002 husi okupasaun Indonesia no Kolonialista Portugal. Bazei ba definisaun no signifikasaun ukun rasik an ne’ebe hakerek iha leten, ita presija hanoin katak oras ne’e ita hetan ona Ukun rasik an ka seidauk??? Tuir hau nia hanoin katak ita seidauk hetan ukun rasik an, so ita hetan deit ukun rasik ba teritorial no ligitimadu (Kedaultan, Pengakuan Internasional), ukun rasik an ne’ebe oras ne’e seidauk iha realizasaun no do’ok husi mehi povu Timor leste no mundu tomak. Timor leste nasaun ne’ebe maski foin hetan independensia durante tinan 7 nia laran maibe oras ne’e dadauk ema barak mak sei hetan nakukun husi lala’ok Ukun rasik an (Independensia). Povu Timor Leste barak mak sei moris iha kondisaun terus, sofre, no la hetan asesu ba nesesidade fundamental sira nian. Mayoria 90 persentu povu Timor Leste moris ho kondisaun kiak, liu-liu joven barak mak lahetan servisu, pior liu sira  ne’ebe hela iha foho, distritu. Populasaun mayoria 50 cent to’o 1 $ kada loron ida e balun mos semana ida mak foin hetan 1 $, ema barak mak seidauk hetan asesu edukasaun, saude, no dezenvolvimentu seluk tan. Iha parte seluk povu Timor Leste hetan influenza barak liu-liu kona-ba influenza kultural husi rai liur, sira mos hetan intimidasaun, no ladun senti hakmatek ho emprejariu strangerio ne’ebe oras ne’e nakonu iha Timor Leste, maski sira laiha kapasidade no balun sai hanesan buruh kasar. Sira nia presenja iha Timor Leste sai ameasa bo’ot ba povu Timor Leste, liu-liu ba maluk Timor oan ne’ebe moris ho servisu hanesan fila liman iha merkadu, loja, no seluk tan. Ita presija halo refleksaun bo’ot ba lala’ok ukun rasik an, tamba wainhira povu Timor Leste sofre nafatin no laiha realijasaun tuir kriteria no mehi ukun rasik an, hau fiar katak sei akontese polemika no problemas sosias ne’ebe fo impaktu bo’ot ba povu Timor nia moris. Sira bele hamrik dala ida tan hodi hakilar ba mundu no ba ukun nain sira katak sira harak livre, sira seidauk hetan ukun rasik an. Nune ema hotu-hotu, liu-liu ba juventude no matenek nain sira (universitariu) ne’ebe balun sei escola, aktivista sira sei hamrik hamutuk ho povu hodi halo mudansa no revolusaun foun ida ba nasaun Timor Leste.

Source : http://www.velika08.blogspot.com

TURISMO TIMOR LESTE NIAN
4 de Marco de 2009 (10:00AM)

Ema barak konhese Indonesia liu husi Bali tanba ho nia rikusoin natureza nomos populasaun
nia hahalok nebe nunka mais atu foti arbiru ema nia sasan sata’an na’ok.
Ema nia atitude nebe diak sempre dada malae barak ba sira nia rain.
Adat Bali nian nebe forti aumenta tan ninia RASTA nebe forti ba visitor sira husi nasaun
barak, ho visita husi nasaun barak ne’e, devisa barak tama ba sira nia Bolsu. Siguransa
Bali nia nebe diak dada ema barak liu tan atu ba visita Bali.

Oinsa ho Timor Leste??? Timor Leste iha potensia barak atu bele sai mos hanesan Bali maske
lao’s 100% hanesan maibe besik hanesan. Timor Leste iha natureza nebe mak furak, adat nebe
mak barak, maibe oinsa ho foti sasan arbiru nomos na’ok??? Ida ne’e author passa ba ita boot
sira atu hanoin tok. Oinsa mos kona ba siguransa??? Ita boot sira mos precisa hanoin tok ba ne’e.

Timor Leste iha tasi nebe mos no furak, paisajem husi foho tutun nebe rasta o matan atu hare,
moris ema Timor nian iha suku no aldeia nebe dook husi Cidade mos sai hanesan objektu nebe
foun ba malae sira. Dalabarak ita ema lokal deit mos precisa atu ba passa ferias. Hare deit
fulan Dezembro, ema barak pasa sira nia tempu husi dader to’o lorokraik iha tasi ibun.

Cristo Rei (Area Branca – Dili)

Cristo Rei

Tasi mos no besik ba Cidade (Atauro – Dili)

Atauro Dili

Ilha nebe Rai henek mutin haleu nomos adat nebe forti (JACO – Lautem)

Jaco - Lautem

Be manas husi foho Marobo (Marobo – Maliana)

Marobo- Maliana

Igreja Maubisse (Maubisse – Ainaro)

Igreja Maubisse - Ainaro..

Candi religiaun Hindu (Salele – Suai)

Covalima - Suai

Oe-Cusse hanesan distritu nebe iha rai ketan bele sai hanesan mos objektu de Turismo husi
visitor lokal ou Malae. (author mos seidauk hare Oe-Cusse sei planu hela loron ida sei vizita
Oe-Cusse no Atauro, diaknian…)

Tais nomos Dansa ema Timor Leste nian kuase atu hanesan ema Timor Oeste (Timor-Barat;NTT),
entaun se karik ita seidauk registu ita nia dansa nomos naran Tais ba iha Nasoens Unidas
entaun buat ne’e sei bele sai hanesan haksesuk malu entre nasaun vizinhu (Indonesia).

by

Webmaster.

ANTIVIRUS DIAK NIAN IHA TINAN 2008

Logo Antivirus Windows Nian

Usa komputador (PC) ou laptop kharik la iha antivirus entaun ita boot sira sei hasoru problema
boot ho ita boot sira nian laptop ou PC (Personal Computer). VIRUS hanesan applikasaun ida nebe
sempre ho extensaun (.exe) so bele da’it deit ba sistema operasaun WINDOWS deit. Iha mos WORM balun nebe
bele dait mos ba ita nia sistema de operasaun nebe installa iha ita nia laptop ou PC, WORM ne’e bele mos ho extensaun (.exe ou .vbs).
Maibe WORM ho VIRUS ne’e hanesan g lae???
Worm ne’e hanesan kode ida nebe sei da’it lalais liu ba komputador sem ita halo executa ba nia. Worm ne’e gosta
halo ita nia formasaun registry iha windows sai sabraut, nia resultado mak sempre mosu warning kuandu ita loke
ita nia komputador ou laptop.
Virus ne’e hanesan aplikasaun ida nebe sei fahe nia aan ba barak kuandu ita executa nia. Nia mos halo sabraut Windows nia formasaun registry
i bele ataka mos virus seluk ou website ida.

Entaun oinsa atu prevene Virus ou worm la bele dait ou tama ba ita nia komputador ou laptop?
Diak liu installa antivirus. Antivirus iha mundo IT ne’e barak los, maibe tuir ema professinal IT, barak
hili top antivirus nebe mak diak liu nomos seguru liu atu usa mak hanesan tuir mai ne’e:
1. BitDefender
2. Kaspersky
3. F-Secure Anti-Virus
4. PC-cillin
5. ESET NOD32
6. McAfee VirusScan
7. Norton AntiVirus
8. AVG AntiVirus
9. eTrust EZ Antivirus
10. Norman Virus Control

By Capitao

Timor Leste Precisa Cyberlaw Agora ou Lae???
10/1/2009

Exemplo Systema Network Ida

Cyberlaw kontrola sasan IT tomak nebe usa iha nasun ida nia laran. IT kuase ema hotu hatene katak bele halo nia mundu rasik (Virtual Space). Buat hotu bele halo deit iha virtual space ne’e, buat ida nebe la konhese teritoriu ida, ema hotu – hotu livre atu usa nia. Tanba ho livre ne’e ema idak – idak bele komite iha krime kontra privasidade ema seluk nian, ema seluk nia password seluk bele hatene, data ema seluk bele aksesu ho ilegal, e-mail mos ema bele usa hodi haruka mensagem nebe bele mos contain threats ba unidade nasaun nian. Cyberlaw mos bele kontrola buat nebe produs ho ilegal nomos la tuir ninia original hanesan musika artista nian balun nebe ema convert ho ilegal ba extensaun oin-oin exemplo ho extensaun .mp3, ikus mai ema nia servisu makaas atu produs musika ne’e ema seluk la fo respeito, nomos bele sai hanesan dalan nebe bele taka ba sira nia karera. Iha nasaun balun ema fornesia energia elektrisidade ho aistensia IT nian, tanba ida ne’e bele minimija ema tun direitamente ba kampu, ema bele hakotu diretamente forenese energia husi central karik ema la selu bill of electricity. Maibe hanusa karik ema seluk nebe la hatene kona elektrisidade mak hetan aksesu direitamente ba sasa hirak ne’e??? Sira bele deit hamate elektrisidade tuir sira nia hakarak, sira mos bele hasae power elektrisidade nebe fornese ba povo hotu iha cidade tuir sira nia hakarak nebe bele hamosu fire. Buat hotu nebe mak usa sasan IT iha koneksaun (ba portable devices ou laos) posibilidade ba ema seluk atu hack (printer, mobile,). Buat seluk tan husi mundo IT nian bele fo aspektu negatif nomos aspektu positif ba ema nebe usa.

Author soe perguntas ba membros IMPETIL hotu atu bele fo nia hanoin ho livre kona ba topiku ida ne’e.

Husi
Author/ Capitao